இந்திய கிரிக்கெட் அணியின் வேகப்பந்து வீச்சாளர் ஸ்ரீசாந்திற்கு அவரது வீட்டார் பெண் தேடிக்கொண்டிருக்கிறார்கள். இந்நிலையில் நடிகை ரியா சென்னுடன் அவருக்கு காதல் என்றும், கல்யாணம் என்றும் தகவல்கள் கசிய ஆரம்பித்தன.
இவர்களிருவரும் ஒரு நகைக்கடை விளம்பரத்தில் இணைந்து நடித்தனர். இதற்குப் பிறகு இருவரும் சேர்ந்து நிறைய இடங்களில் சுற்றுவதாகவும், ஐபிஎல் போட்டி இடைவேளைகளின் போது, போனில் அளவளாவிக் கொள்வதாகவும். விரைவில் இருவரும் திருமணம் செய்து கொள்ளப் போவதாகவும் இத்தகவல் அதிக அளவில் விஸ்வரூபம் எடுத்தது.
இதுகுறித்து ரியா சென் கூறியதாவது;
“என்ன இது புதுக்கதை. அவர் சிறந்த கிரிக்கெட் வீரர். எனது நல்ல நண்பர். அவருக்கும் எனக்கும் திருமணம் என்பது முட்டாள்தனமான கற்பனை. யாரோ வேலையில்லாதவர்கள் செய்த வெட்டி வேலை இது. இதைத் தவிர வேறொன்றும் சொல்வதற்கில்லை’’ என்றார்.
No comments:
Post a Comment