அதர்வா நடித்துவரும் முப்பொழுதும் உன் கற்பனைகள் படத்திற்காக லாஸ் வேகாஸ் சென்றுள்ளது அப்படக்குழு. கல்யாண செலவுக்கு இணையாக அந்த கல்யாணத்தின் இன்விடேஷன் செலவும் இருந்தால் எப்படியிருக்கும். அப்படிதான் இந்த படத்திற்காக செலவு செய்து கொண்டிருக்கிறார் படத்தின் இயக்குனரும் தயாரிப்பாளருமான எல்ரெட் குமார். நாங்க கம்போசிங்குக்காக வெளிநாட்டுக்கு கூட்டிட்டு போங்கன்னு தயாரிப்பாளரிடம் சொன்னால்தான் செய்வாங்க. ஆனால் நான் கேட்காமலே என்னை வெளிநாட்டுக்கு அழைச்சுட்டு போனவர் குமார் சார்தான் என்றார் ஜி.வி.பிரகாஷ். இந்த முறையும் இவரை அழைத்துக் கொண்டுதான் லாஸ் வேகாஸ் போயிருக்கிறது இந்த டீம்.
போன இடத்தில் படத்தின் பாடல் வெளியீட்டு விழாவையும் வைத்தால் என்ன என்று நினைத்திருக்கிறார்கள். உடனே அதை செயல்படுத்தியும் விட்டார்கள். படத்தில் இடம்பெறும் ஒரு முறை என்ற ரீமிக்ஸ் பாடலை நவம்பர் 6 ந் தேதி அங்கு வெளியிட திட்டமிட்டிருக்கிறார்கள். அங்குள்ள கேசினோ ஒன்றின் உரிமையாளர் பெடரிக் காஸ்கோ வெளியிட, 295 என்டர்டெயின்ட்மென்ட்டின் உரிமையாளர் மகேஷ் மேனன் பெற்றுக் கொள்கிறாராம்.
அதே மேடையில் ஜி.வி.பிரகாஷும் ஒரு பாடலை பாடப் போகிறாராம். லாஸ் வேகாஸ் தமிழர்களே... விஷயத்தை சொல்லியாச்சு. வேகமாக தயாராகுங்க...
www.tamilcinema.com
No comments:
Post a Comment