பிரதமர் தரப்போகும் விருந்து தனுஷ் உற்சாகம்

கொலவெறிக்கான பேடன்ட் ரைட்ஸ் வடிவேலுவிடம் இருக்க, பரிசுகளை அள்ளிக்கொண்டு போகிற வேலையை மட்டும் பார்க்கிறார் தனுஷ். இந்த கொலை வெறியின் உச்சத்தை கண்டும் காணாமல் இருக்க வேண்டிய நிலைமைதான் வடிவேலுவுக்கு. ஆனால் தனுஷ் இது பற்றியெல்லாம் அலட்டிக் கொண்டதாக தெரியவில்லை. நாளொரு அழைப்பும், பொழுதொரு பேமென்ட்டுமாக அள்ளிக் கட்டிக் கொண்டிருக்கிறார் மனுஷன்.

இதோடு முடிந்திருந்தால் கூட ஆச்சர்யம் இல்லை. பிரதமரே இவரை விருந்துக்கு அழைத்திருக்கிறாராம். ஒவ்வொரு வருட இறுதியிலும் நாடெங்கிலும் உள்ள முக்கியமான விஐபிகளுக்கு விருந்தளிப்பார் பிரதமர். இந்த முறையும் அப்படி விருந்துக்கு அழைக்கப்பட்டவர்கள் பட்டியலில் தனுஷின் பெயரும் இருக்கிறது.

இந்த திடீர் செல்வாக்குக்கு காரணம், கொலவெறிடிதான் என்பது சொல்லாமலே புரிந்திருக்கும். இந்த விருந்தில் வடக்கத்திய நட்சத்திரங்கள் பலரும் வருவார்கள். நான் இயக்கும் முதல் படம் இந்தியில்தான் என்று கூறி வரும் தனுஷுக்கு இந்த விருந்து ஏராளமான வரவுகளை அள்ளித்தரும் இடமாக இருக்கும்.