கல்யாண செலவு... மண்டபத்தை விற்றார் சினேகா?

இன்னும் சில தினங்கள்தான். திருமதியாகிவிடுவார் சினேகா. அதற்கப்புறம் அக்கா வேடமோ, அண்ணி வேடமோ? ஒரு வளர்பிறை வாழ்க்கைக்கு தயாராகிக் கொண்டிருக்கும் சினேகாவுக்கு அவரது குடும்பத்தினரின் ஒத்துழைப்பு எப்படி? நமக்கெதற்கு அதெல்லாம்... இந்த வளர்பிறை எப்பவும் வளர்ந்து கொண்டேயிருக்க வேண்டும் என்பதுதான் நமது ஆசையும் வாழ்த்தும்.

சம்பாதித்த பணத்தையெல்லாம் சென்னையை சுற்றிலும் நிலங்களாக குவித்துக் கொண்டிருக்கும் நடிகைகளுக்கு மத்தியில் பிறந்த ஊரான பண்ருட்டியில் நிலம் வாங்கி குவித்தார் சினேகா. தனக்கு பிடித்த கல்யாண மண்டபம் ஒன்றையும் ஆசை ஆசையாக அதே ஏரியாவில்தான் கட்டினார் அவர்.

இப்போது என்னாச்சு? தனது கல்யாண செலவுக்காக தான் ஆசை ஆசையாக கட்டிய அந்த கல்யாண மண்டபத்தை விற்றுவிட்டாராம்.

மண்டபம் வேறொருவர் கைக்கு போனாலும், சினேகாவுக்குரிய அதே சிரிப்போடும் பொலிவோடும் விளங்கிக் கொண்டிருக்கிறது இப்போதும்.